«ՄԵՆՔ» Լոռու մարզի երիտասարդական հասարակական կազմակերպության անդամ Արամ Գևորգյանն ընտրվել է «ԵՄ-ն՝ հանուն երիտասարդների շրջանավարտների ցանց»-ի անդամ: 2025թ․ հունվարի 12-ին տեղի է ունեցել ցանցի առաջին հանդիպումը, որի ընթացքում մասնակիցները ծանոթացել են ծրագրի մանրամասներին, ընթացակարգերին և պլանավորել առաջիկա յոթ ամիսների ընթացքում իրականացվելիք գործողությունները:
Ծրագրի հիմնական նպատակն է մոբիլիզացնել ԵՄ տարբեր երիտասարդական ծրագրերին մասնակցած երիտասարդներին՝ պահպանելով նրանց ոգևորությունն ու մոտիվացիան: Վերջիններս իրենց համայնքներում կապ կհաստատեն սահմանափակ հնարավորություններ ունեցող երիտասարդների հետ՝ նպաստելով նրանց ակտիվացմանը և ներգրավմանը ԵՄ շարժունության տարբեր ծրագրերում:
«ԵՄ-ն՝ հանուն երիտասարդների շրջանավարտների ցանց» ծրագիրն իրականացվում է «EU4Youth Coordination and Support»-ի կողմից Արևելյան գործընկերության 5 երկրներում (Հայաստան, Ադրբեջան, Մոլդովա, Վրաստան, Ուկրաինա):
