2025 թվականի հուլիսի 18-21-ը Գյուլագարակ համայնքում իրականացվեց «Իմ համայնքը՝ իմ մասնակցությամբ» քառօրյա նախաձեռնությունը: Միջոցառման նպատակն էր բարձրացնել երիտասարդների իրազեկվածությունը տեղական ինքնակառավարման (ՏԻՄ) վերաբերյալ և խթանել նրանց ներգրավվածությունը համայնքային կյանքում:
Քառօրյա ծրագիրը հագեցած էր․
- ՏԻՄ և նախաձեռնություններ․ Առաջին օրերին մասնակիցները ծանոթացան համայնքային կառավարմանն ու նախագծերի իրականացման գործիքակազմին։
- Բնապահպանություն․ Դեպի Դենդրոպարկ արշավի ընթացքում քննարկվեցին բնական աղետների կանխարգելման հարցերը։
- Երկխոսություն․ Տեղի ունեցավ հանդիպում ՏԻՄ ներկայացուցիչների հետ, որտեղ երիտասարդները բարձրաձայնեցին իրենց հուզող հարցերը։
Նախաձեռնության առանցքային ձեռքբերումը «Լոռէ» երիտասարդական նախաձեռնող խմբի ստեղծումն էր, որը կդառնա համայնքի զարգացման նոր շարժիչ ուժը։
Միջոցառումն իրականացվել է «Երիտասարդների մասնակցության խթանումը Լոռիում» ծրագրի շրջանակներում՝ Եվրոպական միության և Գերմանիայի կառավարության համաֆինանսավորմամբ։
