Անվտանգ խոսք առցանց հարթակում.հանդիպում մարզային մենթորների հետ

«Անվտանգ խոսք առցանց հարթակում. Միկրո-ակադեմիա Հայաստանի մարզաբնակ երիտասարդների և կանանց համար» ծրագրի շրջանակում կայացել է հանդիպում մարզային մենթորների հետ։

​Աշխատանքային հերթական հանդիպման ընթացքում 10 մենթորներին ներկայացրել և ծանոթացրել ենք Google Classroom ուսումնական հարթակին, որտեղ տեղադրված են և իրականացվելու են օնլայն մոդուլները։

​Հանդիպման նպատակն էր նախապատրաստել մենթորներին առաջիկա աշխատանքներին, որոնք իրականացվելու են մարզերում՝ երիտասարդների և կանանց համար թվային իրավունքների, առցանց անվտանգության և մեդիագրագիտության բարձրացման ուղղությամբ։

«Անվտանգ խոսք առցանց հարթակում. Միկրո-ակադեմիա Հայաստանի մարզաբնակ երիտասարդների և կանանց համար» ծրագիրն իրականացվում է «ՄԵՆՔ» Լոռու մարզի երիտասարդական ՀԿ-ի կողմից՝ CIVICUS-ի Թվային ժողովրդավարության նախաձեռնության (DDI) աջակցությամբ։