2025 թվականին «ՄԵՆՔ» Լոռու մարզի երիտասարդական հասարակական կազմակերպությունը «Կայուն զարգացման նպատակները համայնքներում․ խնդիրներ և լուծումներ» ծրագրի շրջանակներում կազմակերպել էր երկխոսության հանդիպումներ Ստեփանավան, Տաշիր և Գյուլագարակ համայնքների 15-40 տարեկան կանանց և աղջիկների, ՔՀԿ ներկայացուցիչների և ՏԻ մարմինների միջև։
Հանդիպումների ընթացքում ներկայացվեց Կայուն զարգացման նպատակներին (ԿԶՆ) համապատասխան մշակված համայնքային խնդիրների ամփոփ զեկույցը։ Մասնակիցները քննարկեցին հնարավոր լուծումներն ու համագործակցության ուղիները երիտասարդ կանանց, աղջիկների և այլ շահագրգիռ կողմերի միջև՝ նպատակ ունենալով խթանել տեղական կայուն զարգացումը։
Սույն միջոցառումներն իրականացվում են «ՄԵՆՔ» Լոռու մարզի երիտասարդական ՀԿ-ի կողմից՝ «ՀԿ Կենտրոն» ՔՀԶ ՀԿ-ի «CSOs4SLD2. ՔՀԿ-ները հանուն կայուն տեղական զարգացման (դրամաշնորհների կառավարում)» ծրագրի փոքր դրամաշնորհների բաղադրիչի շրջանակում՝ «Քաղաքացիական հասարակության հզորացում Արևելյան գործընկերության երկրներում» ծրագրի ներքո, որն իրականացվում է Գերմանական միջազգային համագործակցության ընկերության (GIZ) կողմից՝ Գերմանիայի կառավարության և Եվրոպական միության (ԵՄ) ֆինանսավորմամբ։
