2025 թվականին ՍԴ Պլատֆորմը «ՄԵՆՔ» Լոռու մարզի երիտասարդական հասարակական կազմակերպության հետ համատեղ՝ համագործակցելով Վարդենիսի բժշկա-հումանիտար քոլեջի հետ, Վարդենիսի երիտասարդների համար իրականացրեց դասընթաց՝ նվիրված տեղական ինքնակառավարմանը և բնակիչների մասնակցությանը։
Դասընթացի նպատակն էր բարձրացնել երիտասարդների իրազեկվածությունը տեղական ժողովրդավարության վերաբերյալ և ձևավորել նրանց մոտ ակտիվ քաղաքացիական դիրքորոշում։ Մասնակիցները ծանոթացան Տեղական ինքնակառավարման համակարգի կառուցվածքին, հասկացան, թե ինչ դեր ունեն համայնքի ղեկավարը, ավագանին և աշխատակազմը, ինչպես նաև քննարկեցին, թե ինչու է կարևոր յուրաքանչյուր բնակչի մասնակցությունը համայնքային որոշումների կայացմանը։
Սույն աշխատարանը իրականացնում է «ՄԵՆՔ» Լոռու մարզի երիտասարդական ՀԿ-ն՝ «ՍԴ Պլատֆորմ Հայաստան» ծրագրի շրջանակներում, որը ֆինանսավորվում է Մաքս վան դեր Ստուել հիմնադրամի կողմից։
Ծրագիրն իրականացվում է «ՍԴ Պլատֆորմ Հայաստանի» հետ համագործակցությամբ։
