«ՄԵՆՔ» Լոռու մարզի երիտասարդական հասարակական կազմակերպությունը հայտարարում է նոր՝ «REGION. Ընտրական գործընթացների հուսալի իրազեկման համապետական ցանց» ծրագրի մեկնարկի մասին: Ծրագիրն իրականացվելու է Հայաստանի Հանրապետության 10 մարզերում և նպատակ ունի բարձրացնել քաղաքացիների ընտրական իրազեկվածությունը, ուժեղացնել դիմադրողականությունը ապատեղեկատվության նկատմամբ, ինչպես նաև խթանել քաղաքացիների պատասխանատու և գիտակցված մասնակցությունը ընտրական գործընթացներին:
Ծրագրի շրջանակում նախատեսվում է 30 համայնքային դասընթացների միջոցով բարձրացնել մարզաբնակ քաղաքացիների իրազեկվածության մակարդակը, իրականացնել տեղեկատվության հետևողական մոնիթորինգ ու փաստերի ստուգում: Բացի այդ, կգործարկվի թվային օժանդակող համակարգ, որը շուրջօրյա ռեժիմով աջակցություն կցուցաբերի ընտրողներին:
Ծրագիրն իրականացվում է Եվրոպական միության և German Marshall Fund of the United States — Transatlantic Foundation (GMF TF)-ի ֆինանսական աջակցությամբ։ Բովանդակության ամբողջական պատասխանատվությունը կրում է «ՄԵՆՔ» Լոռու մարզի երիտասարդական ՀԿ-ն, և այն պարտադիր չէ, որ արտահայտի Եվրոպական միության կամ GMF TF-ի տեսակետները։
