2025 թվականի ապրիլի 6-ին, «Երիտասարդների մասնակցության խթանումը Լոռիում․ քաղաքացիական ներգրավվածության բարձրացում տեղական և տարածաշրջանային մակարդակներում» ծրագրի շրջանակներում Փամբակ համայնքում տեղի ունեցավ հերթական դասընթացը։ Դասընթացավար Դավիթ Հակոբյանի հետ մասնակիցները խորությամբ ուսումնասիրեցին հաղորդակցության, հանրային խոսքի և նախագծերի կառավարման թեմաները։
Աշխատարանի ընթացքում երիտասարդները ծանոթացան նախագծերի պլանավորման, կազմակերպման և իրագործման հիմնական փուլերին՝ ձեռք բերելով գործնական գիտելիքներ, որոնք անհրաժեշտ են սեփական գաղափարները կյանքի կոչելու համար։
Օրվա երկրորդ հատվածում ձևավորված աշխատանքային խմբերում մասնակիցները քարտեզագրեցին և վերհանեցին Փամբակ համայնքի երիտասարդներին հուզող առանցքային խնդիրները։ Այս քարտեզագրումը հիմք կհանդիսանա համայնքային զարգացման հետագա նախաձեռնությունների համար։
Միջոցառումն իրականացվում է «Քաղաքացիական հասարակության հզորացում Արևելյան գործընկերության երկրներում» ծրագրի ներքո գործող «ԵՄ-ն հանուն երիտասարդների․ Երիտասարդների ներգրավում և հզորացում» ծրագրի աջակցությամբ, որը համաֆինանսավորվում է Գերմանիայի կառավարության և Եվրոպական միության կողմից:
