2025 թվականին «Միասին հանուն տեղական ժողովրդավարության» ծրագրի մասնակից Մանեն և համայնքի ակտիվ երիտասարդները, համայնքային նախաձեռնության շրջանակներում, իրականացրեցին բնակիչների հարցումներ և քարտեզագրեցին գյուղի հիմնախնդիրները։ Որպես առաջնահերթություն վերհանվեցին աղբամանների և նստարանների բացակայության հարցերը:
Երիտասարդները դիմեցին համայնքապետարան՝ օգտագործելով թե՛ առցանց հարթակները, թե՛ անձնական հանդիպումների ձևաչափը։ Հետևողական երկխոսության շնորհիվ համայնքում նախ տեղադրվեցին աղբամանները, իսկ կարճ ժամանակ անց լուծվեց նաև նստարանների հարցը։
Ծրագիրն իրականացվել է «ՄԵՆՔ» Լոռու մարզի երիտասարդական ՀԿ-ի կողմից և ֆինանսավորվել է Եվրոպայի խորհրդի Եվրոպական երիտասարդական հիմնադրամի (EYF) կողմից:
