2025 թվականի սեպտեմբերի 5-ին Դսեղի ՏՈՒԿ-ում մեկնարկեց The “She” in Civic ծրագրի եռօրյա աշխատարանը։ Հայաստանի չորս մարզերից՝ Գեղարքունիքի, Լոռու, Արագածոտնի և Սյունիքի 30 երիտասարդ կանայք և աղջիկներ ժամանեցին Դսեղ՝ մաս կազմելու կանանց քաղաքացիական առաջնորդության զորեղացմանը։
Ծրագրի բացումն իրականացրեց Մադլեն Մինասյանը՝ «ՄԵՆՔ» Լոռու մարզի երիտասարդական ՀԿ-ի գործառնական համակարգողը։ Միջոցառմանը հյուրընկալվեց և ողջույնի խոսքով հանդես եկավ Հայաստանում Կանադայի դեսպան Էնդրյու Թրները, ով խոսեց հայ-կանադական հարաբերությունների, CFLI-ի կողմից իրականացվող ֆինանսավորման և կանանց իրավունքների մասին բարձրաձայնելու կարևորության մասին։
The “She” in Civic ծրագիրն իրականացնում է «ՄԵՆՔ» Լոռու մարզի երիտասարդական ՀԿ-ն` CFLI-ի աջակցությամբ։ Այստեղ արտահայտված մտքերը պատկանում են հեղինակ(ներ)ին և պարտադիր չէ, որ արտացոլեն CFLI-ի պաշտոնական քաղաքականությունը կամ դիրքորոշումը։
