Լրահոսից դուրս. Հայաստան-Մոլդովա-Ուկրաինա երիտասարդական մեդիաարշավ և բանավեճեր՝ հանուն քաղաքացիական դիմակայունության

Ծրագրի նպատակն է բարձրացնել Հայաստանի, Մոլդովայի և Ուկրաինայի երիտասարդների մեդիագրագիտության մակարդակը և քաղաքացիական դիմակայունությունը՝ օգնելով նրանց ճանաչել ապատեղեկատվությունը, կիրառել փաստերի ստուգման հմտություններ և ստեղծել վստահելի մեդիա բովանդակություն։

Ծրագրի շրջանակում կիրականացվի նախապատրաստական վեբինար, եռօրյա Youth Media Lab Մոլդովայի Քիշնև քաղաքում, որտեղ երիտասարդները կծանոթանան ապատեղեկատվության տարբեր դրսևորումներին, կսովորեն փաստերի ստուգման և մեդիա բովանդակության ստեղծման գործիքներ։

Այնուհետև մասնակիցները իրենց համայնքներում կանցկացնեն տեղական քննարկումներ, իսկ երեք երկրներում կկազմակերպվեն երիտասարդական բանավեճեր՝ մեդիագրագիտության, ապատեղեկատվության և պատասխանատու թվային մասնակցության թեմաներով։

Ծրագրի արդյունքում կիրականացվի տարածաշրջանային մեդիա արշավ, որի շրջանակում կստեղծվի և կտարածվի երիտասարդամետ մեդիա բովանդակություն՝ նպաստելով մեդիագրագիտության և փաստերի ստուգման հմտությունների զարգացմանն ու պատասխանատու թվային մասնակցության խթանմանը։