«ՄԵՆՔ» Լոռու մարզի երիտասարդական հասարակական կազմակերպությունը պաշտոնապես դարձել է Մասնակցային ժողովրդավարության միջազգային դիտարանի (International Observatory on Participatory Democracy — OIDP) անդամ կազմակերպություն։
Ի՞նչ է OIDP-ն
OIDP-ն տեղական և տարածաշրջանային քաղաքացիական հասարակության կազմակերպությունների ու հետազոտական կենտրոնների միջազգային ցանց է։ Այն նպաստում է մասնակցային, ներառական և իրավունքահեն ժողովրդավարության զարգացմանը՝ խթանելով քաղաքացիների ներգրավվածությունը համայնքային որոշումների կայացման գործընթացներում։
Անդամակցության հեռանկարները
Մեզ համար այս անդամակցությունը կարևոր հնարավորություն է և առանցքային քայլ հետևյալ ուղղություններով.
- Ընդլայնելու միջազգային համագործակցությունները և կապեր հաստատելու համաշխարհային գործընկերների հետ,
- Փոխանակելու լավագույն փորձն ու տեղայնացնելու մասնակցային ժողովրդավարության հաջողված մոդելները,
- Նպաստելու համայնքային մասնակցությանը, ժողովրդավարական նորարարությունների ներդրմանը և քաղաքացիական ներգրավվածության զարգացմանը։
