2025 թվականի մայիսի 17-ին և 18-ին, «Երիտասարդների մասնակցության խթանումը Լոռիում․ քաղաքացիական ներգրավվածության բարձրացում տեղական և տարածաշրջանային մակարդակներում» ծրագրի շրջանակներում, Գյուլագարակ, Տաշիր, Փամբակ և Թումանյան համայնքների երիտասարդների համար անցկացվեց «Նախագծի առաջարկ գրելու և կառավարելու» թեմայով դասընթաց։
Դասընթացավարներ Դավիթ Հակոբյանի և Վահե Խաչիկյանի ուղղորդմամբ մասնակիցները խորությամբ ուսումնասիրեցին նախագծի կառավարման փուլերը, առաջարկի փաթեթի կազմման նրբություններն ու «նախագիծ» հասկացության առանցքային սահմանումները։ Աշխատարանի գործնական հատվածում ձևավորված աշխատանքային խմբերը մշակեցին համայնքային նախաձեռնությունների հայեցակարգեր՝ կիրառելով սահմանված ձևաչափերն ու ստացված նոր գիտելիքները։
Միջոցառումն իրականացվել է «Քաղաքացիական հասարակության հզորացում Արևելյան գործընկերության երկրներում» ծրագրի ներքո գործող «ԵՄ-ն հանուն երիտասարդների․ Երիտասարդների ներգրավում և հզորացում» ծրագրի աջակցությամբ, որը համաֆինանսավորվում է Գերմանիայի կառավարության և Եվրոպական միության կողմից:
