2025 թվականին «ՄԵՆՔ» Լոռու մարզի երիտասարդական հասարակական կազմակերպության գործառնական համակարգող Մադլեն Մինասյանն ու ծրագրերի համակարգող Արամ Գևորգյանը մասնակցեցին #EU4youth տարածաշրջանային երիտասարդական փոխանակման ծրագրին։ «Engage, Connect, Empower» խորագիրը կրող միջոցառումը համախմբել էր երիտասարդ առաջնորդների և երիտասարդական կազմակերպությունների ներկայացուցիչների Հայաստանից, Վրաստանից, Ուկրաինայից և Մոլդովայից։
Միջոցառման բացման հատվածում Արամ Գևորգյանը ներկայացրեց Հայաստանը ներկայացնող հասարակական կազմակերպությունների կողմից իրականացված ծրագրերի արդյունքները։
Նախաձեռնությունն իրականացվել է «Քաղաքացիական հասարակության հզորացում Արևելյան գործընկերության երկրներում» ծրագրի ներքո գործող «ԵՄ-ն հանուն երիտասարդների․ Երիտասարդների ներգրավում և հզորացում» ծրագրի շրջանակում՝ Եվրոպական միության և Գերմանիայի կառավարության համաֆինանսավորմամբ։
