«ՄԵՆՔ» Լոռու մարզի երիտասարդական ՀԿ-ն «Երիտասարդները հանուն փոփոխության» ՀԿ-ի հետ համատեղ իրականացնում է «Երիտասարդների առաջնորդությամբ՝ թափանցիկ ընտրությունների խթանում Հայաստանում (2026թ.)» ծրագիրը, որի նպատակն է նպաստել 2026 թվականի խորհրդարանական ընտրությունների թափանցիկությանն ու հաշվետվողականությանը՝ ուժեղացնելով երիտասարդների և տեղական քաղաքացիական հասարակության մասնակցությունը ընտրական վերահսկողության գործընթացներին։
Ծրագրի շրջանակում կձևավորվի դիտորդական առաքելություն, իսկ Շիրակի, Լոռու և Տավուշի մարզերից կներգրավվեն շուրջ 50 երիտասարդ դիտորդներ։ Նրանք կմասնակցեն վերապատրաստումների, ձեռք կբերեն ընտրական գործընթացների մշտադիտարկման գործնական հմտություններ և կիրականացնեն կարճաժամկետ դիտորդություն ընտրությունների ընթացքում։
Նախաձեռնությունը միտված է բարձրացնելու ընտրական գործընթացների նկատմամբ հանրային վստահությունը, խթանելու երիտասարդների քաղաքացիական ներգրավվածությունը և նպաստելու Հայաստանում ավելի ներառական, մասնակցային և ժողովրդավարական ընտրական միջավայրի ձևավորմանը։
Ծրագիրն իրականացվում է Եվրոպական միության ֆինանսական աջակցությամբ։ Դրա բովանդակության պատասխանատվությունը կրում են «Երիտասարդները հանուն փոփոխության» քաղաքացիական հասարակության զարգացման ՀԿ- ն և «ՄԵՆՔ» Լոռու մարզի երիտասարդական ՀԿ-ն, և այն պարտադիր չէ, որ արտահայտի Եվրոպական միության տեսակետները:
